Mark Li

16-09-2022

喂，工具人，醒啦喂！

你喺度喊苦喊忽托咩！

你？ 係你吖！

同緊你講嘢呀！

無私奉獻？ 咪玩啦。

還返佢叫你做嘢嗰陣你嘅痴痴傻笑嚟！

還返嗰晚你因爲佢同你講嘢而成晚瞓唔着、轆嚟轆去嘅開心嚟！

還返因為想幫佢，你終於掂返封塵十年嘅絕活，終於肯做少少有意義嘅嘢嘅動力嚟！

還返你幫完佢之後佢嗰句「多謝你呀~」嚟！

你唔係幫得好開心嘅咩？

點解又無啦啦同班兄弟擤？

喂，公平交易嚟㗎喎，

佢又冇應承你啲咩，

你又唔係佢邊個，

你已經開心咗囉喎，仲想點呀你。

佢付出得太少？ 你幫得佢太多？

你可以揀唔幫㗎。

你太愛佢，無法自拔？

笑死，你幫得開心咋嘛。

你又識咩愛呀？